Saillte?

Rinne mé tuairisc an tseachtain seo chuaigh thart go raibh caint ar straitéis don Ghaeilge seachas ar Acht na Gaeilge i gcainteanna Chroimghlinne. Tá an ‘comhaontú’, an toradh ar an cainteanna seo anois ar fáil .

Bhí mé iomlán mí-cheart, níl iomrá ar bith ar Acht, nó straitéis, déanta na fírinne ní luaitear an Ghaeilge ar chór ar bith. Ar sailleadh sinn?Is dócha go mbeidh sé á mhaíomh go bhfuil cúrsaí teanga cludaithe san abairt …

The First Minister and deputy First Minister will oversee an exercise of examining the St Andrews Agreement and identifying all matters contained within it which have not been faithfully implemented or actioned.

Beidh le feiceáil ach tá cuma na méire fada ar sin. Is duine dóchasach mé i gcónaí ach ní fheicim toradh suntasacha ar an ‘exercise’ seo.

Sin ráite, tá abhcóide is blagóir mór le rá, an tUasal Jim Allister QC, (Mac Alasdair ar ndóigh) ag maíomh go mbeidh Acht Gaeilge ann!

Seo a deir Jim …

“How many times did the DUP not boast that they had buried the Irish Language issue? It was their greatest scalp in devolution! Now, we find, as I previously warned, that suddenly it is back on the table as part of republicanism’s agenda to sanitise this Province of its Britishness”.

Den chéad uair riamh beidh Gaeilgeoirí ag súil go bhfuil iomlán an chirt ag Jim Allister ó thaobh Acht na Gaeilge de ach an bhfuil sé a mhaíomh aige nach raibh na mílte Gaeil a fuair bás sa chéad chogadh domhanda ‘British’. An bhfuil sé ag admháil nach bhfuil aon darna suí sa bhuaile ag Gaeil ach an Ríocht Aontaithe a fhágáil? Gaeil na hAlbain san aireamh?

UPDATE :

Seo a bhfuil a rá ag Máirtín Mac Aonghusa fán ábhar ….

We have agreed a process to progress the rights of Irish Language speakers and North/South aspects of the St. Andrews Agreement.

‘Agreed a process to progess’ – Gaeil mise, níl a fhios agam ach an oiread a chara. Tá súil agam go bhfuil dul chun cinn suntasach aontaithe áit éigin fán cheo seo go léir. Feicfidh muid.

UPDATE eile : Tá Nuacht 24 ag rá go mbeidh níos mó airgead ar fáil do chraoltóireacht Gaeilge agus eile ó thuaidh. Tá cuma iontach dearfach ar sin caithfidh mé a rá, ar an lámh eile tá ár gcearta teanga a cheannacht uainn ach seans gurbh fhearr Gaeil an t-airgead fá choinne obair ar an talamh ná na cearta?

UPDATE eile : Tá Nuacht 24 ag tuairisciú go bhfuil POBAL ‘meallta’ leis an chomhaontú.

Don’t forget folks, if you have no Gaelic you can still get an idea of what is being said here with Google translate.

  • st etienne

    Strategy. He definitely said strategy. And fail.

  • Thall ar mo bhlag féin, iGaeilge, an áit ar céad tuairiscíodh an easnamh seo sa Chomhaontú nua idir an DUP agus Sinn Féin, táim ag baiste Comhaontú an Titanic ar seo. Comhaontú a bhí dóchas is aislingí luaite leis ó thaobh na Gaeilge de – ach atá imithe go tóin phoil.

    Ní mise an chéad duine a dhéarfaidh nach gcreidim focal ó bhéal SF mura bhfuil sé scríte ar phar. Tá sceideal beacht, le dataí cinnte luaite leis, ann do reiteach cheist na bParáideanna. Fiú luann siad an lá a chuirfidh an Banríon a h-ainm leis an reachtaíocht. [An cuimhin libh an chaint faoi ‘introducing an Irish Language Act’ a bhí ann tar éis Cill Rimhinn? Agus ná raibh Rialtas na Breataine ábalta geallúint a thabhairt go reachtófaí reachtaíocht ar bith an uair úd? Nach athrú poirt é seo?

    Níl aon íontas orm gur loic SF arís eile ar an nGaeilge. Is é an t-íontas atá orm gur chreid daoine gur malairt scéil atá ann.

    i gcead do Ghael Gan Náíre, is ar iGaeilge atá an trachtaireacht is an tuairisciú is cruinne ar an gceist seo. Fiú má dheirim féin é….

  • socaire

    Mar a dúirt mé. An bhfuil sibh réidh don fheillbhirt maidir leis an Ghaeilge agus le Bothar an Gharbhachaidh? Nach agamsa an balla criostail?

  • Raymonds Back

    Bhuel tá mise sásta nár luadh an Ghaeilge ar chor ar bith sa chomhaontú seo, mar ní ceart go mbeadh an teanga á húsáid mar ghléas idirbheartaíochta ag dream ar bith den dá thaobh sa tsochaí seo. Is le gach Éireannach an teanga, agus níl sé ar leas na teanga go mbeadh an chuma ar chúrsaí go bhfuil sí ‘i seilbh’ dream nó taobh faoi leith,

  • Nordie Northsider

    Ní mise an chéad duine a dhéarfaidh nach gcreidim focal ó bhéal SF mura bhfuil sé scríte ar phar…

    [Nach bhfuil an comhaontú seo ‘scrite ar phár’, nó an ar chlocha oghaim a breacadh é?]

    is ar iGaeilge atá an trachtaireacht is an tuairisciú is cruinne ar an gceist seo. Fiú má dheirim féin é….

    [Seanfhocal deas Gaeilge: síleann an fear mire gurb eisean fear na célle. Seanfhocal deas Béarla: self-praise is no praise.]

  • Naughty naughty Nordie Nordie.
    Ar ndóigh, beidh an dream a bhionn ag déanamh leithscéalta ar son na bpolaiteoirí leibideacha ag ionsaí na dteachtairí seachas na dteachtaireachtaí. Is maith an rud é go bhfuil stór maith seanfhocail agat a Nordie nó tabharfaidh siad san solás duit in éagmais an Acht Ghaeilge a gheall do phairtí.

    Dá mba rud é go raibh sé i gceist ag Sinn Féin gan an chuma a chur ar an bpairtí go raibh siad ag sealbhú an Ghaeilge, cén fath gur labhair Martin McGuinness an ‘cúpla focal’ ag an bpreas ocáid ar maidin i nGaeilge. B’fhearr liom beart seachas briathar ón Leas Chéad Aire!

  • Tugaim faoi ndeara gur foilsíodh an scéal sin ar Nuacht 24 roimh ar fhoilsíodh an Chomhaontú féin. Ní raibh aon tagairt dá leithéid sa Chomhaontú ar léigh mise…..