Comórtas faoi choinne conradh ar son nuachtán úr Gaeilge

Dar le Anton McCabe (Antón Mac Cába) agus é ag scríobh sa Sunday Business Post tá cúig dhream istigh i comórtas Fhoras na Gaeilge faoi choinne nuachtán nua Gaeilge. Conradh ceithre bliana atá i gceist. Is iad na dreamanna atá sa comórtas ná ‘Iar-fhoireann Fhoinse’ i gConamara, Nuacht 24 atá bunaithe i mBéal Feirste, Bard na nGleann as Muscraí, Independent Free Newspapers Group i nGaillimh agus EoTeilifís / Connacht Tribune, arís bunaithe i gConamara.

Táthar i mbéal na nGael go coitianta go mbeadh ‘Iar-fhoireann Fhoinse’ agus Nuacht 24 chun tosaigh go mór ar na cinn eile, déarfainn féin gur comórtas géar a bheas ann amach is amach agus nach bhfuil a dháth cinnte. Is cinnte liom de seo áfach, creidim go mbeidh nuachtán fíormhaith ar fáil amach anseo.

‘Translation’ to English.

  • Táthar i mbéal na nGael go coitianta go mbeadh ‘iar fhoireann Fhoinse’ agus Nuacht 24 chun tosaigh go mór ar na cinn eile

    Cé go díreach a deir an méid sin? Tusa anea agus tú ag cur an tuairim i mbéal dhaoine eile a la Fox News?

    Is maith liom diospóireacht ar an abhar a fheiceail ar slugger – ach ba mhaith an rud é go mbeadh dealramh eigean leis an bplé seachas é bheith leath bhacáilte mar atá do thrachtaireacht. Is féidir libh teacht ar chuairt go dtí iGaeilge ar mhaithe le léargas níos tuisceanaí ar an gcomórtas…

    Dar liom, is botún é glacadh leis an méid atá, de reir GGN, i mbéal na nGael go coitianta. Ní h-iad san atá ag déanamh an chinnidh agus níl a fhios acu faoi fhiúntas na n-iarratasaí eile.

    Gan bacaint le fiúntas na n-iarratasaí, tá an cheist ann faoi shuíomh an nuachtán nua. Trí iarratas ó cheantar na Gaillimhe, Aire Ghnóthaí Pobail, Tuaithe agus Gaeltachta ón toghcheantar sin – cé chuirfeadh geall in éadan an conradh ag dul siar. Sa chás sin, an bhfuil aon baol ann go mbeidh, mar a mhaíonn ceann líne an phlé seo, nuachtán ‘úr/freiseáilte’ ann. Beag an baol.

    Tá gá le cur chuige nua ag an nuachtán nua agus, b’fhéidir, nárbh aon díobháil é go mbogfaí suíomh an nuachtáin amach ó Ghailllimh. Tá TG4 agus RnaG anseo theana féin agus cuireann sé sin go mór le dearcadh is cur chuige tuathúil, treibhiúil agus tuatach na meán seo.

    Tá cuid is mó de phobal na Gaeilge i mBaile Atha Cliath – ach níl iarratas ar bith ón bpríomh chathair? Cén fath?

    An féidir, mar shampla, na h-iarrachtaí is fearr a thabhairt le cheile, thuaidh, theas agus thiar, le go mbeadh nuachtán uile oileánda ann? Ansan, is cinnte, bheadh nuachtán fíor mhaith agat – nó ar a laghad bheadh poiteansal ann.

  • Nordie Northsider

    ‘Táthar i mbéal na nGael go coitianta…’

    An ndearnadh sin a aistriu ar inneal aistriuchain Google?

    ‘…ba mhaith an rud é go mbeadh dealramh eigean leis an bplé seachas é bheith leath bhacáilte mar atá do thrachtaireacht. Is féidir libh teacht ar chuairt go dtí iGaeilge ar mhaithe le léargas níos tuisceanaí ar an gcomórtas…’

    Ni moladh ar bith an feinmholadh, a Chonchubhair. Nil do chuidse tuairimi a dhath nios fearr na tuairimi an dara duine.

  • Ar ndóigh, a Nordie, ní féin mholadh atá ann ach treoir doibh san nach bhfuil ar an eolas os rud é nár luaigh GGN é ina thrachtaireacht sa chéad dul síos. Anuas ar sin tá barúlacha bunaithe ar eolas is tuiscint á nochtadh ar iGaeilge, murab ionann agus an trachtaireacht atá ag GGN atá bunaithe ar aineolas agus ar chlaonta….

  • GGN

    COL,

    Tá mé ag ceapadh go mbeadh sé ar eolas an chuid is mó dena daoine a bheadh anseo faoi do bhlag ach seo nasc – igaeilge.wordpress.com

    Is é rogha do dhaoine iad féin dul chuif do shuíomh agus breithiúnas a thabhairt ar d’anailís.

    Is féidir níos mó na dha léamh ar gach scéal ach seasaím le mo bharúil.

    Má tá gearán ar bith le déanamh, níl le déanamh ach dul i dteagmháil leis an tUasal Ó Fichealtaigh atá mar thaoiseach ar an suíomh seo.

  • GGN

    NN,

    Gabh mo leithscéal as an drochGhaeilge, bhíos faoi bhrú agus i ndrochshuíomh.

    Dar ndóigh, cé gur scríobh mé fá cad tá i mbéal an phobail dar le mo chluas agus eile, níor aontaigh mé leis an tuairim sin go hiomlán.

  • ersehole

    “Tá TG4 agus RnaG anseo theana féin ”

    Anseo? Ná habair liom go bhfuil tusa tú féin bogtha go dtí na Conaís, Chrochúir, a mhac?

  • Léitheoir Gaelach

    Dar liomsa nach raibh GGN ach ag lua an ruda chéanna a luaigh an Sunday Business Post.

    Tuigim chomh maith go mbeadh Nuacht24 lonnaithe i mBÁC dá mbainfeadh siad an conradh, agus is cinnte go mbeadh comhoibriú éigin maith amach anseo.