Lá nua eile do Lá Nua…

Bhi thuarascáil ar nuacht TG4 cupla lae ó shin go raibh suim mór ag an Irish News chun nuachtán laethúil a fhoilsiú ina áit Lá Nua da theipeadh an teideal sin ar a chonradh. Ach ar an príomh leathnach inniu tagainn an nuacht go mbeadh an todhchaí Lá Nua slán. Abair Máirtín Ó Muilleoir:

Is vóta muiníne é i Lá Nua an t-infheistiú nua ó na scarshealbhóirí, ina measc Grúpa Meán Bhéal Feirste, agus i gcomhar lenár bplean le costais a laghdú agus teacht isteach airgeadais a mhéadú cuireann sé deis nua ar fáil don nuachtán.

  • gaelgannaire

    Caithfidh Lá foghlaim as an rud seo uilig go léir, as na rudaí atá ar na blagannaí, as na rudaí a dúradh ar an raidió.

    Tá athraithe de dhíth.

  • Beidh ar an Irish News fánacht go ceann tamaill eile chun leimpt in uaigh Lá Nua!

    Cad é an costas a bheadh ar thogra an Irish News ar aon nós? Bhí iarratas istigh ag an bhForas acu i 2002 le h-aghaidh iatan 16 seachtainiúil – an costas ar feadh bliana £500,000. De reir sin bheadh ar an Irish News £2.5m in aghaidh na bliana a fháil chun tairge chomh maith le Lá Nua a fhoilsiú – sé sin 16 leathnach in aghaidh an lae, Luan go hAoine.

    Agus ansin bheadh an deacracht ag an Irish News, conas an tairge a dháíleadh i gCúige Mumhan, áit nach bhfuil teacht i lathair ag an Irish News.

    An bhfuil sé réadúil a cheapadh go mbeadh an irish news abalta nuachtán uile Eireannda a chur ar fáil, chomh maith nó níos fearr ná Lá Nua, mar a rinne, gabh mo phardún, mar atá agus mar a bheidh á dhéanamh ag Lá Nua?

  • Séamus – Béal Feirste

    Buíochas mór le Dia agus a mhaighdean Mhuire. Gan aon chabhair ón rialtas arís, is céim mór chun chinn é seo. Taispeánann sé go mairfaidh an teanga Gaeilge le, nó, gan aon chabhair ó Phoots agus a leithéid.

  • Ar ndóigh caithfidh Lá Nua foghlaim ón eachtra seo. Is iomaí ceacht atá foghlamtha ag Lá/Lá Nua, nó bunaíodh é i 1984 agus ní bheadh sé beo inniu ach gur fhoghlaim sé ceachtanna i rith an ama sin.

    Is é Lá/Lá Nua an nuachtán Ghaeilge is faide ar an saol agus atá fós ag foilsiú. Mura dteastaíonn uainn go dtitfeadh sé, mar ar thit gach nuachtán Ghaeilge roimhe, Inniu, Amarach, An tÉireannach, beidh ar leitheoirí agus eile tacaíocht a léiriú. Má théimíd go siopa ag lorg Lá Nua agus nach bhfuil sé ann, fiafraigh den freastalai cá bhfuil sé agus cén fath nach bhfuil an t-aon nuachtán laethúil Ghaeilge sa tír ar fáíl ina siopa?

    Seo treimhse na cinniúna do Lá Nua, gan amhras, agus tá dúshlán roimh Lá Nua agus lucht tacaiochta an nuachtáín é a thabhairt slán….

  • Seimi

    Seo dea-scéal cinnte, agus mar atá thuas-ráite, cruthaíonn seo gur feidir forbairt a dhéanamh ar an teanga gan cuidiú nó bac ó polaiteoirí diúltacha.
    Mhar Lá Nua gan tacaíocht ar bith, ach ó na léitheoirí, ar feadh na blianta, agus tá súil agam go mairfeas as seo amach.
    Ar pointe eile – an bhfuil cead agam an chéad gearán a dhéanamh faoin Ghaeilge?
    Cad chuige an bhfuil cead blag sa teanga seo a chur ar an suíomh!? Teanga marbh, ó thír eile! Ní thuigim focal! Cur stad le seo anois! 🙂
    Tá ‘s agaibh go bhfuil sé ag teacht! Beir bua 🙂

  • gaelgannaire

    Bhál,

    Seo an scéal is deireanaí

    http://apublishersblog.blogspot.com/2008/02/l-nua-future-securedtodhcha-l-nua-sln.html

    Silim go gcaithfidh Lá a chur in iúl do dhaoine go bhfuil na sciarshealbhóirí eile seo ann. Sileann duine gur le BMG Lá amach is amach.

    Go n-éirí le CÓL.

  • RG Cuan

    Dea-scéal do phobal na Gaeilge trí chéile.

    Tá mé cinnte go mbeidh Lá Nua in ann foghlaim, ní hamháin ó thaobh na bainistíochta de ach maidir leis an nuachtán féin. Seans go mbeidh duine i mBÁC de dhíth orthu mar shampla leis an íomhá uile-oileánda a athchruthú.

  • gaelgannaire

    RG Cuan,

    Aontaím agus silim go gcaithfidh Lá nua guth is ardán a thoirt do níos mó daoine chomh maith, polaiteoirí, blagadóirí, mic léinn agus srl.

  • gaelgannaire

    Agus rud éigin eile.

    Gabh ar ais go Lá! Cuireann ‘Lá Nua’ Antaine Blárach i gcuimhne dom.

    Ní maith liom an stíl tablóideach ach an oiread, is iad Le Monde, El Pais, La Reppublica agus srl. ab chóir Lá coipeáil astu.

  • Ní doigh liom gur fiú bheith ag athrú an ainm ar ais – agus sílim má tá an stíl tablóideach ag Lá Nua, níl an eitic tablóideach ag an nuachtán. Mar sin féin, tuigim nár aon droch shamplaí na cinn a luaigh tú thuas – ach b’fhearr liom féin Berria ná aon ceann acu. http://www.berria.com – nuachtán laethúil na Bascaise.

  • RG Cuan

    Aontaím le hOilibhéar maidir leis an ainm – chuirfeadh athrú eile isteach ar an phobal léitheoireachta.

    Agus is maith liom an stíl Eorpach, nó tablóideach más mian leat. Sin an bealach a bhfuil na mórnuachtáin ag dul agus tá El País mar sin cheana féin.

    Is é an t-ábhar an rud is tábhachtaí.

  • Cuairteoir

    Is iontach an scéal é seo – an Lá Nua abú!