Éirígí, cad atá in ann dóibh?

Bhí mé thar a bheith sásta a cloisteáil gur shocraigh Éirígí ag Ard-Fhéis s’acu ar na mallaibh chun seasamh i dtoghcháin amach anseo.

Níl mise i mo bhall d’Éirígí agus ní bheidh ach sílim gur rud maith é a leithead de dhream a bheith ann.

Bhí mé ag caint le cuid mhaith baill de Shinn Féin ar an ábhar seo agus shíl siadsan go raibh sé maith go bhfuil na daoine seo ‘gníomhach’ agus go bhfuil cuma ar an scéal go bhfuil polaitíocht dearfach de chineál éigin ag baint leo, seachas a bheith dírithe ar Shinn Féin fhéin go díreach.

Shíl cuid mhaith acu sin áfach nárbh fhada go mbeadh Éirígí ‘torn apart by its own inconsistencies’.

Cinnte, bheadh imní orm faoi Éirígí fosta, mar shampla, dúirt cúpla daoine liomsa, a bhfuil baint acu le hÉirígí go bhfuil siad ag caint ar son ‘an phobail.’ Is léir nach ionann an pobal seo agus na vótóirí ar an talamh áfach. Cé hiad mar sin?

An mbeidh vóta ag na brainwashed théis an réabhlóid nó ag an phobal seo amháin?

An mbeidh ráth orthu amach anseo sna toghcháin? Níl a fhios agam dáiríre. Is suimiúil liom gur dhúirt roinnt daoine a bhfuil gráin acu ar Shinn Féin liom go bhfuil ?irígí níos measa ná na provies’.

An bhfuil an bearna mór go leor idir Sinn Féin agus abair RSF don dream seo? An mbeidh daoine sásta vótáil ar son an sóisialachas réabhlóideach ag deireadh an lae?
An mbeidh Éirígí sásta an gnáthobair polaitiúil a dhéanamh ar an talamh? Mrs Murphy’s toilet seát is bruck again agus mar sin de?

Ach cheánna, is cinnte liom go bhfuil todhchaí níos gile roimh Éirígí ná mar atá roimh an 32 Cóinté Sóibhérintí Cámaití, an Réapublaiceán Nátwarc fur Iúinéat n? RSF fiú.

Ag an am ceánna, mar a mhaigh cuid mhór baill Shinn Féin liom, tá gach seans go mbeidh scoilt ann roimh i bhfad.

Mar shampla, chomh maith le bheith sóisialach, tá an dream seo thuas i mBéal Feirste iontach Gaelach amach is amach, is léir a dtionchar dála an scéil, ach an bhfuil lucht Éirígí thíos i nDuibhlinn leath chomh Gaelach agus an mbeidh siad sásta géilleadh do shlua na nGael amach anseo. Tá mé in amhras.

Nuair a sheasfas siad sa chéad toghchán eile, beidh deis againn go léir feiceáil cé chomh mór is atá tacaíocht s’acu, rud a bheas an spéisiúil ar fad.

Freelance journalist, working mostly in Irish.

Have my own independent news website – antuairisceoir.com – which is in constant need of material.

I am the former editor of the newspaper Gaelscéal, www.gaelsceal.ie